தெய்வம்

நாளை என்ன நடக்கு மென்று
காலை பொழுதே  காண்பா ரில்லை
நேற்று நடந்த நிகழ்வை  தெளிவாய்
வேற்றுமை  யின்றி விளம்புவா ரில்லை
செய்த  செயலின் தீர்ப்பே பலன்கள்
செயல்பலன் தொடர்பு தெரியா அறிவில்
செய்த  திட்டம்  சிதறும் போது
தெய்வம் நம்பி திடமாய் முயல்க
திருத்தம் செய்து சிறப்பாய் அமைத்து
கருத்தாய் காக்கும் கவலை விடுக
இன்றே  நாளை எட்டிப் பார்த்து,
என்ன நன்மை, என்ன தீமை,
நேரு மென்று  நெஞ்சம் சொன்னால்
யாரும் தெய்வம்  என்றே எண்ணார்.