Sunday, December 8, 2019

"AMAZON"னில் மின்னூல் வெளியீடு


வணக்கம்,
தாங்கள் என் வலைப்பூவிற்கு வருகை தந்தமைக்கு நன்றி..!!!. மகிழ்ச்சி..!!!
தங்களின் விமர்சனங்கள் எனக்கு மகிழ்சியும்,  ஊக்கமும் அளித்தன; அதற்கு அன்புகலந்த நன்றி..!!!

சில கவிதைகளை தொகுத்து, "subastories  கவிதை தொகுப்பு" என்ற தலைப்பில், மின்னூலாக (ebook) ,  AMAZON இணைய தளத்தில் வெளியிட்டுள்ளேன் என்பதை மகிழ்ச்சியோடு தெரிவித்துக் கொள்கிறேன்.



AMAZON இணையதளத்திற்கு சென்று subhastories அல்லது  sudhakar santhanam என்று type செய்தால் காணலாம்.

என்றும் தங்கள் நல்வரவை எதிர்நோக்கும்,
சுதாகர்.

https://www.amazon.in/SubhaStories-Tamil-Sudhakar-Santhanam-ebook/dp/B07KXXFKVV/ref=sr_1_1?ie=UTF8&qid=1545624976&sr=8-1&keywords=subhastories

Tuesday, September 17, 2019

தெய்வம்


நாளை என்ன நடக்கு மென்று
காலை பொழுதே  காண்பா ரில்லை
நேற்று நடந்த நிகழ்வை  தெளிவாய்
வேற்றுமை  யின்றி விளம்புவா ரில்லை
செய்த  செயலின் தீர்ப்பே பலன்கள்
செயல்பலன் தொடர்பு தெரியா அறிவில்
செய்த  திட்டம்  சிதறும் போது
தெய்வம் நம்பி திடமாய் முயல்க
திருத்தம் செய்து சிறப்பாய் அமைத்து
கருத்தாய் காக்கும் கவலை விடுக
இன்றே  நாளை எட்டிப் பார்த்து
என்ன நன்மை என்ன தீமை
நேரு மென்று  நெஞ்சம் சொன்னால்
யாரும் தெய்வம்  என்றே எண்ணார்.

Thursday, September 5, 2019

மழை


கடந்ததில் செல்லும் கவனம் திருப்பி,
நடப்பு நினைத்திட, நம்முயல் தல்போல்;
மழைவிட்டு விட்டு வருகிறதே மண்ணில்
மழைக்கவனம் ஈர்க்க வளர்ப்போம் மரங்களை;
நாள்நிகழ்வு ஆசையால், நம்நெஞ்சை நம்மிடம்
வால்சுருட்ட  வைப்பது போல். 

Thursday, August 15, 2019

முயற்சி

ஒன்று அடைந்திட, ஓயா முயற்சியில்,
என்று அடைவேன் இறையே யறியேன்.
அறிவு அறியா அழையா தடைகள்;
முறிவு நிகழாது முன்னேற, தாய்போல்,
முயற்சி குறித்தப்பி முட்டாமல் நீள,
பெயர்ச்சி செயவே, பிடித்தது சேர்க்கவே,
உற்ற துணையாய், உளாய்யென நம்பியே,
வெற்றி வரைக்கும் விடாது முயல்வேன்,
இடுப்பி லிருந்து இறக்கிட ஓடும்
துடுக்குக் குழந்தையைப் போல்.

Saturday, August 10, 2019

"தெய்வ நம்பிக்கை".


எதிர்பாரா சூழல், எதிர்காலம் தாங்கும்
புதிர்விடை; யார்க்கு புதிர்பின் விடைமுன்.
நிகழ்பவை யாவுமே நேற்று நிகழ்வின்
தகவல் சுமந்திருக்கும், தப்பினால் நாளை
நிகழ்வின் அறிகுறி; நீயே கதியென
தெய்வ நினைவில் செயல்படும் யாவரும்
செய்யும் செயல்கள் திருத்தமாய் செய்ய
உணர்வால் உணர்த்துவார் உள்நின்று காக்கும்
உணர்வு மொழியில் உரையாடும் அப்பன்.
திடமாக நம்பினால், தெய்வ மடியில்
கிடக்கும் மழலை வாழ்வு.

Sunday, March 31, 2019

மகிழ்ச்சியான தருணம்

நேற்று (30 -3 - 2019 ) சனிக்கிழமை அண்ணா நகர் தமிழ்ப் பேரவையில்,
அருள்மிகு மீனாக்ஷி சிந்தரேஸ்வரர் திருக்கல்யாண நிகழ்வு இனிதே நடந்தது.
அண்ணா நகர் தமிழ்ப் பேரவை நிறுவனர் "தமிழ்ச் செம்மல்" மதிப்பிற்குரிய திரு நாகசுந்தரம் ஐயா அவர்களின் 80தாவது பிறந்தநாள் கொண்டாடினோம்.அந்நிகழ்வில் எனக்கு   "தொண்டர் திலகம்" சான்றிதழ் வழங்கினார்கள்..!!!

புகைப்படத்தில், இடது புறம் இருப்பவர்,  அண்ணா நகர் தமிழ்ப் பேரவை நிறுவனர்  "தமிழ்ச் செம்மல்"  மதிப்பிற்குரிய திரு நாகசுந்தரம் ஐயா அவர்கள்.
வலது புறம் இருப்பவர்,  தமிழ் அறிஞர் மதிப்பிற்குரிய திரு மறைமலை இலக்குவனார் ஐயா அவர்கள்.
அடுத்து இருப்பவர், பேரவைத்த தலைவர் மதிப்பிற்குரிய திரு மருத்துவர் அனந்த ராமகிருஷ்ணன் ஐயா அவர்கள்.
அடுத்தது, செயலை மதிப்பிற்குரிய  திரு ராஜரத்தினம் ஐயா அவர்கள்.

மகிழ்ச்சியான தருணம்...!!!







Tuesday, February 12, 2019

எது சரி


இதுதான் சரியென ஏதுமில்லை பாரில்
எதுஎனக்குச் சரியோ என்றுமது யார்க்கும் 
இடரிழையோ அஃதே எனதுசரி யார்க்கும்
தொடர்ந்து பகல்பொழுது ஏது..!!!