Wednesday, April 25, 2018

வாழ்க்கை

எப்படியும் வாழலாம், எண்ணம்
இருப்போர்க்கு, இல்லை கவலை
இப்படித்தான் வாழவேண்டும், எண்ணம்
இருப்போர்க்கு, கொள்கை கவலை

குவித்த ஒளியில் கொளுத்திடும் சக்தியுண்டு, கொள்கையில்
குவிந்த மனம் கொண்டவர் வாழ்வில் திருப்தியுண்டு

Tuesday, April 24, 2018

இறை வணக்கம்

நெறிகெட்ட மானிடர் சொல்
நினைவில் நிறுத்தாத நற்பழக்கம்,
அறிவு மயங்கா நிலையும்,
அடைய அருள்வாய் இறைவா..!!!

Thursday, April 19, 2018

வார்த்தைகள்

உதவாவிட் டாலும் பரிவுடன்
ஒப்புக்குச் சொல்லிடும் வார்த்தைகள்
உதறலில் ஆடும் உளம்சற்று
ஓய்ந்திடச் செய்யும் மருந்துகள்

Wednesday, April 18, 2018

மனிதர்

நிலத்தில் விழுந்த நிழல் போல் உடலிருக்க
குளத்தில் விழுந்த நிழல் போல் மனமிருக்க

நின்றேன் நீச்ச மகன்கை நீட்டி குறை சுமத்த
கண்டேன் காணும் சிலர்மிரு கயினம் மனி தரல்ல

Tuesday, April 10, 2018

பேச்சு

நொந்து போகும் போது நோவு குறைக்கும் பேச்சு
வெந்து போகும் போது வீசும் குளிர்ச்சிக் காற்று