Wednesday, February 28, 2018

வானம்

கடலில் அலைகள் உறைந்தது போல் கார்முகில் வானில் கிடந்தது
தொடர்ந்து கிளம்பிடும் எண்ணம் மனதில் தொடராமல் கொஞ்சம் உறையாதோ

Saturday, February 24, 2018

மனம்

அந்நேரம் அனுபவங்கள் அத்தோடு மறக்கும் மிருகமனம்
எப்போதோ அனுபவங்கள் எப்போதும் இருக்கும் மனிதமனம்

சோர்வாக்கும் அனுபவங்கள் தொல்லைதீர மிருகமனம், வாழ்வை
சீர்செய்யும் அனுபவங்கள் சிந்திக்க மனிதமனம், வேண்டும்


Monday, February 12, 2018

புரிதல்

எங்கும் எறும்பு எதிலும் எறும்பு இல்ல மெல்லாம்
எங்கும் எறும்பு மயம் எரிச்சல் உள்ள மெல்லாம்

சென்றிற்று மழைநீ சேமிக்கஉழை என்றிற்று எறும்பு
என்றோர் புரிதல் இருந்தால் எறும்பும் துணை,யில்லை தொல்லை


Thursday, February 8, 2018

புரிதல்

சோற்றுக் வுத்திரவாதம் உடையோர்க்கு பசியளிக்கும் துன்பத்தால் விளையும் வாழ்க்கை புரிதல்வேறு
சோற்றுக்கு உத்திரவாதம் இல்லார்க்கு பசியளிக்கும் துக்கத்தால் விளையும் வாழ்க்கை புரிதல்வேறு

Tuesday, February 6, 2018

புரிதல்

தலையால் தரையில் சற்று நேரம் நின்றேன்
தலைகீழாய் கண்டேன் சகலமுமே புதிய புரிதல்

Friday, February 2, 2018

கடவுள் நம்பிக்கை

நினைத்தபடி நிகழ்வு நிகழாததால் வெறுத்து நெஞ்சம் கடவுள் நம்பிக்கை யிழக்க
நினைத்தபடி நல்லவேளை நடக்கவில்லை பின்புணர நெஞ்சில் நம்பிக்கைக்கு கிரகணமே

Thursday, February 1, 2018

நிலவின் கிரகணம்

நிலவின் அழகை ரசிக்க நேர மின்றி உழைக்கும்
சிலருக்கு நிலவு வழங்கும் சிறப்புக் காட்சி கிரகணமே

பழக்கம்

இல்லை யென்றால் வழங்குவதும்
இல்லை இருக்கென்றால் வாழ்த்துவதும்
இல்லை அந்நபர்கள் பழக்கம்
இல்லை யென்றால் என்ன