Thursday, August 15, 2019

முயற்சி

ஒன்று அடைந்திட, ஓயா முயற்சியில்,
என்று அடைவேன் இறையே யறியேன்.
அறிவு அறியா அழையா தடைகள்;
முறிவு நிகழாது முன்னேற, தாய்போல்,
முயற்சி குறித்தப்பி முட்டாமல் நீள,
பெயர்ச்சி செயவே, பிடித்தது சேர்க்கவே,
உற்ற துணையாய், உளாய்யென நம்பியே,
வெற்றி வரைக்கும் விடாது முயல்வேன்,
இடுப்பி லிருந்து இறக்கிட ஓடும்
துடுக்குக் குழந்தையைப் போல்.

No comments:

Post a Comment