இயல்பு

வெள்ளம் பள்ளம் தேடும், வெப்பம் குளுமைத் தேடும். உள்ளம் இயல்பு கண்டு உறவை வளர்க்க வேண்டும்.

இறைவன்

எதிர்பார்க்காத தடங்கல் ஏற்பட, நான், என்ன செய்வதென்று கலங்க, அச்சமயம் எதிர்பார்க்கவில்லை தடங்கல் நீக்க நலம்விரும்பி எதிர்வருவதையே. உணர்தேன் இறைவன் இருப்பதையே...

நம்பிக்கை

தண்ணீர் உத்தரவாதம் இல்லாத இடத்தில் சகிக்க யியலாத தாகம் கொண்டவன் மனநிலை கொண்டேன், நம்பியவர் கொடுக்காமல் உதாசீனித்த வேளை...

பக்தி

உலக யியக்கம் ஓயாமல் இயங்க எத்தனையோ விதிகள் இருக்கும். நலமாக நினைத்தபடி நாம்வாழ பக்தியோடு செயல்படுவோம். விதிப்பற்றி கவலையென்ன...

திட்டம்

கருவுக்குள் இருக்கும் காலம் வரையில் குளிர்வெப்பம் பாதிப்பில்லை குழந்தைக்கு; கருத்தில் இருக்கும் காலம் வரையில் இயற்கைவிதி பாதிப்பில்லை திட்டத்திற்கு.

நோக்கம்

குடும்ப வறுமை போக்க ஒருகூட்டம்; குடும்பப் பெருமை சேர்க்க ஒருகூட்டம்; எடுத்த முயற்சி நோக்கம் வேறாகும், இரண்டு தரப்பின் தர்மம் வேறாகும்.

செயல் பலன்

செய்யும் செயல் செய்யும் நேரம் பொறுத்து பலன்விளையும் காலம் மாறும். வெய்யில் துவங்கும் வேளைதுவைத்த துணிமாலை வேளைதுவைத்த துணிகாயும் நேரம் சான்றாகும்.

வறுமை

கனவு விருந்து கண் விழிக்க மறைந்தது போல், பணத்துக்கு வந்த பழக்கம் வறுமை வரவும் மறந்தது.

செயல்

ஒரு செயலை, ஒருவிளைவு எண்ணி செய்கின்றோம் வரும் விளைவில் மனத்தில் எண்ணாததும் பெறுகின்றோம்; சிந்திப்போம், செயல் செய்வோம், நினைக்காதது பலனாக வந்தாலும், நொந்து கொள்ளாமல் நோக்கம் பக்தியால் நிறைத்து முயல்வோம்.

பெண்

பெண் நினைத்தால் பெருக்கி வைக்க முடியும் உறவை. பெண் வெறுத்தால் பெருக்கித் தள்ள முடியும் உறவை.

பழக்கம்

பழக்கம், வாழ்க்கைப் பாதையாகும்; விரும்பும் வாழக்கை பழக்கம் மாற்ற பலிதமாகும். விரும்புங்கள் வாழுங்கள்!

ஆன்மீகம்

கடுகு சோறு கால்வலிப் போக்கும், இதுபுத்தி யறியும், வலித்தநேரம், ஞாபகப் படுத்தும் காரியம், பார்வையில் படகாதில் விழபக்தி வழிசெய்யும் இதுவே ஆன்மீகம்.

இயல்பு

இயல்பு இணைந்துபோக துவங்கும் இல்லறம்; இயல்பு விலகிப்போக துவங்கும் கலவரம்!

மாற்றம்

குணநிலை, சூழ்நிலை, கோள்நிலை, மாறிக்கொண்டே இருக்கும்; நிம்மதி மனநிலை மட்டும் மாறாமல் நிலைக்க நினைப்பது சரியோ?

காலம்

மன கணக்கு மாற்றத்தை கணக்கிடுவ தில்லை... கனப் பொழுதும் காலம் நிற்பது மில்லை...