விடாமுயற்சி

பக்தி நிறைந்த மதியோடு, சக்தி படைத்த விதியோடு, போராடு; மனம் வைத்து முயன்றால், ஊசி முனையும் மைதானம்; ஊசி காதும் ஆகாயம்.

ஆண்டவன்

வேண்டிய சமயம் விரும்பும் வாய்ப்பு வாய்ப்பதில்லை; ஆண்டவன் முயற்சி யறிந்து வாய்ப்பளிக்க தவறுவதில்லை!

வாழையிலை; வெற்றிலை

வைத்த வுணவை மருந்தாக்கும் மாயயிலை வாழையிலை! வித்தை யுணர்வை விருத்தியாக்கும் வித்தையிலை வெற்றிலை!

மூன்றாவது கண்

முயலா தவர்க்கு முகத்தில் கண்கள் இரண்டு; முயல் வோர்க்கோ முகத்தில் கண்கள் மூன்று; மலர்ந்திருக்கும் பூவில் மணம்போல், முயல்வோர் காணும் யாவிலும், கலந்திருக்கும் வாய்ப்பை காட்டும், முயர்ச்சியெனும் மூன்றாவது கண்!

நம்பிக்கை துரோகம்

சூரிய கிரகணத்தில் குழம்பும் காக்கையாய், நம்பியவர் மாறிய தருணத்தில் மனம் இருந்தது நம்பியவர்க்கு!