சிவப்பு மேகங்கள்

சாம்பல் பூத்த நெருப்பு குவியல்களாய், அந்த சிவப்பு மேகங்கள்;

வானத்தில் இன்று தீ மிதி திருவிழாவோ?

காற்றின் கைவண்ணத்தில் எத்தனை எத்தனை மேக ஓவியங்கள்,

இந்த வான் திரையில்..!

அழியாமல் நிலைத்தது எத்தனை..?

அணு அளவாய் இருந்தது,

பின் ஓர் அடியாய் பிறந்தது,

இன்று ஆறடியாய் மாறிய,

இந்த தேக ஓவியங்களில் நிலைத்தது எத்தனை?

நிலையாமையை உணர்த்தி,

இதோ... அகன்றது நிறம் மாறிய காலை மேகங்கள்.