உழைப்பே உன்னதம்

குறிப்பு: இக் கவிதை "தினமணி" வலைத்தளத்தில் "கவிதை மணி" எனற பகுதியில் வெளியானது. உழைப்பே வாழ்வின் உன்னதம் உழைப்புக்கு உண்டு ஊதியம் ; ஊக்கத்துடன் முயற்சி செய், ஊரும் எறும்பாய் வாழ்; ஊழ் விலகும் பார்..! ஊசி முனையும் மைதானம், ஊசி காதும் ஆகாயம், உறுதி யுள்ளம் உடையோர்க்கே..! உள்ளச் சோர்வு உதறு! உள்ளம் தளரும் நேரம் உறுதுணை பகவன் பாதம் உனக்கும் ஒருநாள் விடியும். ஊரே உன்பெயர் சொல்லும் உலகம் முழுதும் கேட்கும்.