விதி

வினையின் பலனாய் விளையும் அனுபவம் வாழ்க்கை...
நினைவு மறந்த நிகழ்வின் பலனே விதி.

குயில்

குயில் கூவும் விதம்... கோவித்தத்  தாய்முகம் பார்த்து,
உயிர்உருகக் கெஞ்சும் மழலையின் ஓசையை போல் இருந்தது.

மருந்து

செடியழிக்கும் பூச்சி விரட்ட
சிறந்த மருந்து நிறையவுண்டு
குடிகெடுக்கக் கூடிப் பழகும்
கொடியோரை வாட்டும் மருந்துண்டா..?

முயற்சி

கைகளின் கட்டை விரல் ரேகைகள்
காட்டும் உலகில் எனது தனித்துவம்
கைகள்தான்  கட்டி யிருந்தாலும் சூழலால்
கட்டவிழ்க்கும்  என்முயற்சி காட்டுமே என்தனித்துவம்

செயல்

செய்யும் செய லெல்லாமே
சிந்தையில் நிற்பது மில்லை
செய்த செயல்கள் பலன்
செய்ய மறப்பது மில்லை
யாருக்கும் எத்தீங்கும் செய்யவில்லை
ஏன் எனக்கிந்தத் துன்பம்?
யாரும் நினைக்கும்முன்  எண்ணுவோம்,
என்றும்  விதைத்தது தான்விளையும்

மனம்

எதிர் பார்த்து பெரும்
ஏமாற்றம் ஏற்படும் போது
அதிரும் மனம் கூறிடும்
ஆத்திரத் தீர்வை மறந்திடு

எல்லாமே மாறும் எதுவும் நிலை யில்லை
உள்ளமோ மாற்றங்கள் ஊகிப்ப தில்லை; தொல்லை

எல்லாம் அறியும் இறையை நினைத்துப் பொறுத்திரு உள்ளப் புயல் ஓய்ந்திடும் தோன்றிடும் நல்தீர்வு

போர்க்களம்

எதிர்பார்த்து காத்திருக்கும் காலம்தான்,
ஏமாற்றம்  நம்பிக்கை,   ஈரணியாய்
அதிர்வலைகள் உண்டாக்க, உள்ளம்
அறிவு, பலம்பார்க்கும்  போர்க்களம்.

மனம்

தடுப்பு கடந்துயாவும் கண்டிடும்
சக்தியோ  மானிடற் கில்லை
அடுத்து வருவது யாவும்
அறிதல் பலர்மனதிற் கில்லை


மாற்றம் சுழற்சி முறையில் நிகழும்
மனமோ பெற்ற யறிவில் இயங்கும்
மாற்றம் நிகழும் முறையை தவிர்த்து
மனம் தீட்டிடும்  திட்டமும் வெல்லாது